Lorentzo Records

Lorentzo Records azken belaunaldiko grabazio-estudioa da, ibilbide luze eta arrakastatsua duena, Berrizen (Bizkaia) kokatua, ingurune natural lasai eta inspiratzaile batean. Hemen egiten ditugu bai hasten ari diren taldeen lehen maketak, bai talde profesional, ezagun eta arrakastatsuen lanak ere.

Grabazio-areto zabal eta anitzen baldintza akustiko bereziek, estilo desberdinetan dugun esperientzia luzeak eta azken teknologiaren erabilerak aukera ematen digute musikari edo talde bakoitzaren beharrei erantzun egokiena emateko. Lorentzo Records-en, adibidez, talde osoaren grabazio simultaneoa egin dezakegu, edo material ezberdinez egindako horma mugikorrak erabili soinu-ñabardura desberdinak lortzeko.

Eta urrutitik bazatoz, ez dago arazorik: estudioari atxikita logela pribatu bat dugu, hiruko bi literekin, musikaz besterik kezkatu behar ez izateko.

Gure instalazioak ezagutu eta informazio gehiago jaso nahi baduzu, jar zaitez gurekin harremanetan zalantzarik gabe.

Estudioaren gelak

Kontrol gela

34 m²-ko gela da (8 x 4,5 m), akustikoki neutroa. Harria, egurra eta material xurgatzaile desberdinen konbinazioari esker, soinu orekatua lortzen da.

1. gela

15 m²-ko gela lehorra, pareta eta sabai xurgatzaileekin, eta harriz eta egurrez osatutako beste pareta batekin.

2. gela

17 m²-ko egurrezko gela akustikoki bizia. Pareta batek hiru aukera akustiko eskaintzen ditu: egur leuna, egur sakabanatzailea eta material xurgatzailea.